Alperen Şengün: “Bu mövsüm “All-Star”a seçilmək istəyirəm”
“Hyuston Rokets”in türkiyəli basketbolçusu Alperen Şengün bu mövsüm reallaşdırmaq istədiyi hədəflərini açıqlayıb.
Sportline.az xəbər verir ki, jurnalistlərə verdiyi müsahibədə A.Şengün bu fikirləri qeyd edib;
“Bu mövsüm 3 əsas hədəfim var. Birinci hədəfim sərbəst atışlarımı hər zaman dəqiq yerinə yetirməyə çalışacam. İkincisi bu yay dayanmadan 3-lük atışlarını məşq etmişəm. Bu mövsüm 3-lük atışları daha çox çox cəhd edəcəm. 3-cü ən böyük hədəfim isə “All-Star” matçında iştirak etmək olacaq. Bunun üçün dayanmadan çalışıram. Özüm üçün məşq qrafikası hazırlamışam. Qidama, idmanıma bir sözlə həyatıma daha çox diqqət ayırıram. İnşallah bu mövsüm mənim üçün uğurlu olacaq”, - deyə Alperen Şengün bildirib.
Qeyd edək ki, A.Şengün 2021-ci ildən etibarən “Hyuston Rokets”də çıxış edir. 22 yaşlı basketbolçu ötən mövsümü 21 xal 9 ribaund 5 asistlik ortalama ilə bitirib.
