Avropa Liqası: "Qarabağ" Norveçdən 1 xalla dönür

Bu gün UEFA Avropa Liqasının qrup mərhələsində 5-ci turun oyunları keçirilib.

Sportline.az xəbər verir ki, Azərbaycan təmsilçisi "Qarabağ" qrupda əsas rəqibi olan "Molde" ilə Norveçdə qarşılaşıb. Gərgin keçən görüş 2:2 hesabı ilə başa çatıb. 

Nəticədə hər iki komanda xallarının sayını 7-yə çatdırıb. İndi H qrupunda "Qarabağ" 2-ci, "Molde" isə 3-cüdür. "Qarabağ" bugünkü heç-heçə ilə Konfrans Liqasının pley-off mərhələsinə vəsiqəni təmin edib.

İlk turda Bakıda keçirilən "Qarabağ" - "Molde" matçında Ağdam təmsilçisi 1:0 hesabı ilə qalib gəlmişdi. Növbəti turda "Qarabağ" "Hekken"lə, "Molde" isə "Bayer"lə qarşılaşacaq.

H qrupunun digər oyununda "Hekken" (İsveç) "Bayer"i (Almaniya) qəbul edib və 0:2 hesabı ilə uduzub.

30 noyabr

UEFA Avropa Liqası

Qrup mərhələsi, 5-ci tur

00:00."Molde" (Norveç) - "Qarabağ" (Azərbaycan) - 2:2

Qollar: Olavio Juninyo, 11 (0:1), Kristian Eriksen, 83 (1:1), 88 (2:1), Bəhlul Mustafazadə, 90+5 (2:2)

Baş hakim: Erik Lambrexts (Belçika) 

Norveç. Molde stadionu

00:00. "Hekken" (İsveç) - "Bayer" (Almaniya) - 0:2 

Qollar: Viktor Bonifeys, 14 (0:1), Patrik Şik, 74 (0:2)

N Klublar O Q H M T-F X
1 Bayer 5 5 0 0 14-2 15
2 Qarabağ 5 2 1 2 5-8 7
3 Molde 5 2 1 2 11-7 7
4 Hekken 5 0 0 5 2-15 0