"Azərbaycan millisinin döyüşkən komanda olmasına baxmayaraq..."
Lüksemburq millisinin yarımmüdafiəçisi Danel Sinani DÇ-2022-nin seçmə mərhələsində sabah yığmamızla keçiriləcək oyun üçün təşkil edilən mətbuat konfransında fikirlərini bildirib.
Sportline.az xəbər verir ki, 24 yaşlı futbolçu millimiz haqda müsbət fikirlər səslədirməklə yanaşı, qələbə əzmində olduqlarını da bildirib:
“Azərbaycanla sonuncu oyunda penaltidən istifadə edə bilmədim. Amma sabahkı qarşılama üçün komanda olaraq oyuna tam hazırıq. Rəqibin mübariz, döyüşkən komanda olmasına baxmayaraq, qalib gəlməyə çalışacağıq”.
