Azərbaycanlı hakimlər Avropa kubokunun 1/2 matçında

Beynəlxalq dərəcəli həndbol hakimləri Erners və Emil Ağakişi qardaşları növbəti təyinat alıblar.

Sportline.az saytına AHF-dən verilən xəbərə görə təcrübəli referilər bu dəfə qadın həndbolçuların EHF Avropa kuboku turnirində ölkəmizi təmsil edəcəklər.

Söhbət qitənin nüfuzlu klub turnirinin yarımfinal mərhələsinin “Antalya Konyaaltı BSK”  -  “MKS İUVENTA Mixalovçe” görüşündən gedir. Türkiyə və Slovakiya təmsilçilərinin qarşılaşması gərgin və maraqlı mübarizə vəd edir.

Oyun martın 18-də Akdeniz Universitetinin idman sarayında keçiriləcək.