Braziliyalı hücumçu rəsmən "Neftçi"də
“Neftçi” heyətinə yeni futbolçu qatıb.
Sportline.az klubun mətbuat xidmətinə istinadən xəbər verir ki, Bakı təmsilçisi braziliyalı hücumçu Ramon Maçadonu transfer edib. O, yeni klubunda 91 nömrəli forma geyinəcək.
Klub sosial şəbəkə hesabında futbolçunun təqdimat videosunu yayıb. Ancaq müqavilənin detalları açıqlanmayıb.
Qeyd edək ki, Maçadonun sonuncu klubu “Brazil de Pelotas” olub. O, karyerası ərzində “Yan Regensburq”, “Esportivo”, “Boa Esporte”, “Lajeadense”, “Ponte Preta”, “Yuventude”, “Vila Nova”, “İtuano”, “Parana”, “Santo Andre”, “Botafoqo-PB” kimi komandalarda da forma geyinib.
