Bulvarda "Prezident Kuboku"nun bağlanış mərasimi olacaq
Azərbaycan Kanoe və Avarçəkmə Federasiyasının Ümummilli lider Heydər Əliyevin 100 illik yubileyinə həsr etdiyi “Prezident Kuboku-2023” beynəlxalq reqatasının bağlanış mərasimi 7 may saat 19:00-dan etibarən baş tutacaq.
Sportline.az xəbər verir ki, Bakı bulvarında, Su İdman Sarayının yaxınlığında təşkil olunacaq bağlanış mərasimində idmançıların mükafatlandırılması ilə yanaşı, bədii hissə keçiriləcək.
Qala tədbirdə 3D effektli lazer şou, tanınmış rəqs qruplarının çıxışı, avarçəkənlərin nümunəvi keçidləri və möhtəşəm atəşfəşanlıqla yanaşı, Miri Yusifin solo ifası yaddaşınızda unudulmaz iz qoyacaq.
