“Detroyt Pistons”un basketbolçusu tarixə düşüb
“Detroyt Pistons”un oyunçusu NBA tarixində ehtiyyatdan oyuna daxil olaraq 50 xal toplayan üçüncü oyunçu olub.
Sportline.az championat.com-a istinadla xəbər verir ki, “Detroyt”un oyun qurucusu Malaçi Flinn aprelin 4-də “Atlanta Houks”la qarşılaşmaya sonradan qoşularaq 50 xal toplayıb.
Belə bir hadisə NBA tarixində 3-cü dəfədir yaşanır. Flinnə qədər bu uğura 2019-cu ildə 51 xal toplayan Camal Krouford və 1993-cü ildə 50 xalla Nik Anderson nail olub.
Malaçi Flinnin üstün performansına baxmayaraq “Detroyt” meydandan məğlub ayrılıb - 113:121. 50 xalla yanaşı Flinn bu matçda 6 ribaund və 5 asistlə çıxış edib.
Qeyd edək ki, Malaçi Flinn fevralın 8-də “Nyu York Niks”dən “Detroyt”a keçib.
25 yaşlı basketbolçu karyerasına 4 mövsüm keçirdiyi “Toronto”da başlayıb.
