“Kəpəz” – AZAL oyununa giriş pulsuz olacaq

Topaz Premyer Liqasında 2016/2017-ci illər mövsümünün II turu çərçivəsində keçiriləcək “Kəpəz” – AZAL oyununa baxmaq üçün arenaya giriş pulsuz olacaq.

SportLine.az Gəncə klubunun saytına istinadən xəbər verir ki, klub rəhbərliyi “sarı-göylər”in yeni çempionatda Gəncədə ilk ev oyunu olduğundan stadionda bilet satışını həyata keçirməyəcək.

Xatırladaq ki, klub rəhbərliyi tərəfindən ötən mövsümün əvvəlində də eyni addım atılıb.