"Levski" ilə oyunda istədiyimiz "11-liy"i meydanda görə biləcəyik"
"Sabah" "Levski" ilə cavab matçında istədiyi futbolçuları meydana buraxa biləcək.
Sportline.az xəbər verir ki, bunu "Sabah"ın baş məşqçisi Valdas Dambrauskas deyib.
Mütəxəssis Bakıda Bolqarıstanın "Levski" (Sofiya) komandasına qarşı keçirəcəkləri III təsnifat mərhələsinin cavab oyunu ilə bağlı fikirlərini bölüşüb:
"Ağır oyundan sonra bütün futbolçular hazırdırlar. Hamısı sağlamdır. İstədiyimiz "11-liy"i meydanda görə biləcəyik".
Qeyd edək ki, avqustun 14-də baş tutacaq "Sabah" - "Levski" görüşü saat 20:00-da başlayacaq. Bolqarıstandakı ilk qarşılaşmada meydan sahibləri bir cavabsız qolla qalib gəlib.
