"Mingəçevir Reqatası-2024”ün rəsmi paradı keçirilib
Bu gün işğaldan azad edilmiş Füzuli şəhərində avarçəkmə üzrə “Mingəçevir Reqatası-2024”ün rəsmi rəsmi paradı təşkil olunub.
Sportline.az xəbər verir ki, Paradda Azərbaycanla yanaşı, Estoniya, Gürcüstan, İtaliya, Macarıstan, Qazaxıstan, Litva, Moldova, Polşa, Türkiyə, Ukrayna və Özbəkistanı təmsil edən idmançılar Füzuli Aeroportunun qarşısında yürüş ediblər.
Onları Azərbaycan bayrağını daşıyan könüllülərdən ibarət dəstə, milli geyimdə olan çaparlar Qarabağ atları müşayiət edib.
Qeyd edək ki, bu gün Füzuli şəhərinin işğaldan azad olunması günü ilə əlaqədar Füzulidə, Aşağı Köndələnçay su anbarında avarçəkmə üzrə "Mingəçevir Reqatası-2024"ün rəsmi açılış mərasimi də keçiriləcək. Mərasimdən sonra ikinci yarış gününə start veriləcək.
