Namiq Ələskərov komandadan kənarda qaldı
"Neftçi" HİK-ə qarşı keçirəcəyi Avropa Liqasının III təsnifat mərhələsinin cavab oyunu üçün Finlandiyaya yollanır.
Sportline.az xəbər verir ki, komanda saat 10:00-da Heydər Əliyev Beynəlxalq Aeroportundan səfərə çıxacaq.
"Ağ-qaralar" Helsinkiyə 2 futbolçusunu aparmayacaq. Bunlar zədədən əziyyət çəkən Namik Ələskərov və Huqo Bastodur. Ələskərov xüsusi proqram əsasında Bakıda fərdi məşq edir.
Bu gün "ağ-qaralar"ın baş məşqçisi Samir Abasov və yarımmüdafiəçisi Sezar Meza Kolli oyunun keçiriləcəyi "Bolt Arena"da mətbuat konfransı keçirəcək.
Qeyd edək ki, avqustun 12 də keçiriləcək HİK-"Neftçi" oyunu Bakı vaxtı ilə saat 20:00-da başlanacaq.
