"Neftçi" növbəti yoxlama oyununu keçirib
Birləşmiş Ərəb Əmirliklərinin paytaxtı Əbu-Dabidə təlim-məşq toplanışında olan "Neftçi" növbəti yoxlama oyununu keçirib.
Sportline.az xəbər verir ki, "ağ-qaralar" Misir təmsilçisi "Piramids"lə üz-üzə gəlib.
"Məhəmməd bin Zayed" stadionunda baş tutan qarşılaşma 1:1 hesablı heç-heçə ilə yekunlaşıb.
Azərbaycan təmsilçisinin qolunu 87-ci dəqiqədə Murad Məmmədov vurub.
Qeyd edək ki, ilk sınaq matçında "Kayrat"a (Qazaxıstan) 3:0 hesabı ilə qalib gələn "Neftçi" yanvarın 16-da keçiriləcək sonuncu oyunda Çinin "Çenqdu Ronqçenq" klubu ilə üz-üzə gələcək.
