"Neftçi"də koronavirus həyəcanı
"Neftçi"nin futbolçusu Huqo Basto koronavirusa yoluxub.
Sportline.az xəbər verir ki, bunu "Neftçi"nin baş məşqçisi Samir Abasov Finlandiyada HİK-ə qarşı keçirəcəkləri Avropa Liqasının III təsnifat mərhələsinin cavab oyunundan əvvəl mətbuat konfransında deyib.
O, 28 yaşlı müdafiəçinin testinin 8 gün əvvəl müsbət çıxdığını bildirib.
Abasov Bastonun həmin vaxtdan sonra təcrid edildiyini bildirib.
