"Qəbələ" Türkiyəyə yola düşdü
“Qəbələ” mövsümün ikinci yarısına hazırlıq məqsədilə bu gün Antalyaya yola düşüb.
SportLine.az Qol.Az-a istinadən xəbər verir ki, yanvarın 27-nə qədər Türkiyədə təlim-məşq toplanışında olacaq Roman Qriqorçukun komandası qardaş ölkədə 3 yoxlama oyunu keçirəcək.
İlk rəqib “Osnabryuk” olacaq. Almaniya çempionatının aşağı liqa təmsilçisi ilə qarşılaşma ayın 16-da baş tutacaq. 4 gün sonra “Qəbələ” ikinci yoxlama oyununda İsveçrənin “Sürix” klubu ilə üz-üzə gələcək. Yanvarın 24-də baş tutacaq son yoxlama matçında komanda Ukrayna təmsilçisi “Dnepr”lə görüşəcək.
