Qurban Qurbanov: "Qarşıya qoyulan minimum məqsədə çatdıq"

Qarşıya qoyulan minimum məqsədə çatdıq.Uefa Konfrans Liqasının qruplarını təmin etdik.

Sportline.az xəbər verir ki, bu fikirləri "Qarabağ"ın baş məşqçisi Qurbanov Bakıda Cəbəllütariqin "Linkoln" kollektivini 5:0 hesabı ilə məğlub etdikləri UEFA Çempionlar Liqasının II təsnifat mərhələsinin cavab matçından sonra mətbuat konfransında səsləndirib.

Mütəxəssis tribunadakı azarkeşlərin onlara əlavə motivasiya verdiyini bildirib: "Avrokuboklarda çıxış edən digər təmsilçilərimizə uğurlar arzulayıram".

Qurbanov III təsnifat mərhələsində potensial rəqibləri barədə də danışıb: "Bütün fikrimizi bugünkü oyuna yönəltmişdik. Bolqarıstan təmsilçisi "Ludaqorets" Avropada son vaxtlar yaxşı çıxış edir. "Dinamo"nun (Belarus) da heyəti gəncdir və sürətli futbolçuları var. Güclü olan tərəf bizə rəqib olacaq".

Qeyd edək ki, "Qarabağ" UEFA Çempionlar Liqasının III təsnifat mərhələsində "Ludoqorets" (Bolqarıstan) - "Dinamo" (Minsk, Belarus) cütünün qalibi ilə üz-üzə gələcək. İlk matçda "Ludoqorets" qələbə qazanıb - 2:0.