Ronaldo Platiniyə çatdı

Portuqaliya millisinin üzvü Kriştiano Ronaldo Avropa çempionatlarında vurduğu qolların sayını 9-a çatdırıb. SportLine.az xəbər verir ki, o, Uelslə görüşdə fərqlənməklə bu uğura nail olub. Futbolçu bu göstəricidə Fransa seçməsinin sabiq üzvü Mişel Platiniyə çatıb.

Qeyd edək ki, Mişel Platini 1984-cü ildə keçirilən qitə birinciliyində bombardir olub. Ronaldo isə 2004, 2008, 2012 və 2016-cı illərdə Avropa çempionatlarında iştirak etmək imkanı qazanıb.