"Neftçi"nin İsraildəki görüşü də canlı yayımlanacaq
"Neftçi”nin Avropa Liqasının üçüncü təsnifat mərhələsində İsrailin "Bney Yehuda” klubu ilə cavab oyunu da canlı yayımlanacaq.
Sportline.az xəbər verir ki, Petak Tikva şəhərindəki "Ha Moşava” stadionunda keçiriləcək görüş "CBC Sport” telekanalı vasitəsi ilə birbaşa nümayiş olunacaq.
Qeyd edək ki, cavab matçı avqustun 15-i Bakı vaxtı ilə saat 21:00-da start götürəcək.
Xatırladaq ki, "Neftçi" İsrail təmsilçisinə qarşı bu gün Bakıda keçirəcəyi ilk oyun da (saat 21:00) "CBC Sport"da yayımlanacaq.
