Ronaldudan növbəti xeyirxah addım

Madrid "Real"ının portuqaliyalı futbolçusu Kriştiano Ronaldo “Qızıl top” mükafatlarından birini xeyriyyə məqsədi ilə satışa çıxarıb.
 Sportline.az  xəbər verir ki,  “Make-A-Wish” adlı yardım təşkilatının həyata keçirdiyi tədbirdə mükafat 600 min avroya satılıb. “Qızıl top”u İsrailin ən varlı şəxslərindən olan İdan Oferin aldığı bildirilir.

“Make-A-Wish” Ronaldonun “Qızıl top”unun satışından əldə olunan pulu ölümcül xəstəliklərlə mübarizə aparan uşaqların müalicəsinə xərcləyəcək.
 
Qeyd edək ki, K. Ronaldo 2008, 2013, 2014 və 2016-cı illərdə də dünyanın ən yaxşı futbolçusu adına layiq görülüb.