"Sabah" bu gün növbəti matçına çıxacaq
"Sabah"ın basketbol komandası bu gün FIBA Avropa Kubokunda növbəti matçına çıxacaq.
Sportline.az xəbər verir ki, Rimas Kurtinaytisin komandası İsveçin "Norrçepinq Dolfins" klubunu qəbul edəcək.
Bakı İdman Sarayında reallaşacaq görüş saat 19:00-da start götürəcək.
Qeyd edək ki, "Sabah" daha əvvəl G qrupunda "Spiru"ya (Belçika) səfərdə 81:82, "Marussi"yə (Yunanıstan) isə doğma meydanda 70:82 hesabı ilə məğlub olub.
