Serbiya futbolunda kütləvi dava

Serbiya çempionatında növbəti qalmaqal yaşanıb. Sportline.az xəbər verir ki, son turun “Rada” - “Partizan” oyunu bitən kimi futbolçular arasında kütləvi dava baş verib. Qarışıqlığa qonaq komandanın braziliyalı futbolçusu Everton Luisin irqçiliklə üzləşməsi səbəb olub. Matçın gedişində yerli azarkeşlər dəfələrlə Luisi iqrçilik zəminində təhqir edib, tribunada isə onun ünvanına alçaldıcı banner açılıb.
 Final fiti səslənəndən sonra Luis “Rada”lı azarkeşlərin hərəkətinə cavab olaraq onlara qeyri-etik jest göstərib. Bu isə futbolçular arasında kütləvi davanın baş verməsi ilə nəticələnib. Lakin məşqçilərin, polisin və klub nümayəndələrinin müdaxiləsi ilə hadisənin böyüməsinin qarşısı alınıb.  Everton Luis isə azarkeşlərin bu davranışı səbəbindən meydanı ağlayaraq tərk edib.