“Vorriors” “Detroit Pistons”u məğlub etdi
Milli Basketbol Assosasiyasının (NBA) müntəzəm çempionatının başlamasına sayılı günlər qalıb. Komandalar yoxlama matçlarında qüvvələrinə sınayıblar.
Sportline.az xəbər verir ki, günün ən maraqlı görüşlərindən birində “Qolden Steyt Vorriors”la “Detroit Pistons” komandaları qarşılaşıb. Görüş “Vorriors”un 111:93 hesablı qələbəsi ilə başa çatıb.
Matçın ən məhsuldar basketbolçusu “Detroit”in oyunçusu Ceyden İvey olub. 19 xal 2 ribaund 4 asist.
“Qolden Steyt Vorrios”un isə ən məhsuldar oyunçusu Moses Modi olub. 14 xal 2 ribaund 3 asist.
Qeyd edək ki, “Vorriors”un ulduz basketbolçusu Stefen Köri matçda iştirak etməyib.
