Cüdo üzrə Cənub regional birinciliyi yekunlaşdı

Şirvan şəhərində yeniyetmə cüdoçular arasında keçirilən regional birinciliyə yekun vurulub. SportLine.az xəbər verir ki, Azərbaycan Cüdo Federasiyasının dəstəyi ilə təşkil olunan yarışda Masallı, Səlyan, Şirvan, Lənkəran, İmişli, Sabirabad və Biləsuvar idmançıları mübarizə aparıblar.

Birinciliyin ikinci günü 2001-2003-cü il təvəllüdlü cüdoçular medallar uğrunda yarışıblar. Şirvan cüdoçuları daha yaxşı nəticə göstərərək fəxri kürsünün ən yüksək pilləsinə çıxıblar. İkinci yeri İmişli komandası tutub. Masallı cüdoçuları isə üçüncü olublar.

Qaliblərə Azərbaycan Cüdo Federasiyasının diplomları və medallar təqdim olunub.

Azərbaycan Cüdo Federasiyasının məlumatı