Məmmədyarovdan növbəti heç-heçə
Hollandiyanın Veyk-an-Zeye şəhərində şahmat üzrü "Tata Steel Chess" superturniri davam edir. SportLine.az xəbər verir ki, iştirakçılar növbəti gün 3-cü tur çərçivəsində üz-üzə gəliblər.
Azərbaycan təmsilçisi Şəhriyar Məmmədyarov rusiyalı Maksim Matlakovla qarşılaşıb. Ağ fiqurlarla oynayan qrossmeysterimiz rəqibin müqavimətini qıra bilməyib.
Bu, Ş.Məmmədyarovun turnirdə ikinci heç-heçəsi olub.
Qeyd edək ki, hazırda şahmatçımızın aktivində 2 xal var və o, 3-5-ci yerləri bölüşür.
Ş.Məmmədyarovun 4-cü turdakı rəqibi ukraynalı Sergey Karyakin olacaq.