"Qalatasaray"ın qapıçısına maraqlı təklif
Mövsümün sonunda “Qalatasaray’la müqaviləsi bitəcək Fernando Musleraya surpriz təklif gəlib.
Sportline.az Takvim nəşrinə istinadla xəbər verir ki, Seria B-də mübarizə aparan “Parma” klubu yüksək liqaya yüksələcəyi təqdirdə Uruqvaylı qapıçını heyətinə qatmaq istəyir.
Xəbərdə İtaliya klubunun 37 yaşlı qapıçının meneceri ilə görüşdüyü və transfer şərtlərinin danışıldığı bildirilir.
”Parma” Musleraya 2 illik müqavilə təklif etməyi planlaşdırır.
Qeyd edək ki, 2011-ci ildə “Latsio”dan “Qalatasaray”a transfer olunan Muslera 13 ildir ki Türkiyə nəhənginin şərəfini qoruyur.