Arda Gülər Ançelotti ilə münasibətlərinə aydınlıq gətirdi

"Real"ın futbolçusu Arda Gülər baş məşqçi Karlo Ançelotti ilə münasibətləri haqqında məsələyə münasibət bildirib.

Sportline.az xəbər verir ki, türkiyəli hücumçu italiyalı mütəxəssislə münasibətlərin gərginləşdiyi ilə bağlı xəbərləri təkzib edib.

"Karlo Ançelotti ilə aramızda heç bir anlaşılmazlıq yoxdur. Cari mövsümdə heyətdə daha çox yer alıram. Əlbəttə ki, hər oyunda meydanda olmaq istəyirəm. Bununla belə hər şey qaydasındadır, heç bir problem yoxdur", - deyə Arda sualları cavablandırıb.

Qeyd edək ki, 19 yaşlı futbolçu bu mövsüm meydana çıxdığı 10 oyunda məhsuldarlığı ilə yadda qalmayıb.