"Bayer" "Bavariya" qarşısına ciddi itki ilə çıxacaq
Sabah UEFA Çempionlar Liqasında 1/8 finalın cavab oyunları keçiriləcək.
Sportline.az xəbər verir ki, maraqlı görüşlərdən biri "Bayer" və "Bavariya" komandaları arasında olacaq.
İlk oyunda 0-3 hesabı ilə uduzan leverkuzenlilər çətin cavab matçına ciddi itki ilə çıxacaqlar.
Klubun rəsmi X sosial şəbəkəsindəki rəsmi səhifəsində yayılan məlumata görə, komandanın aparıcı oyunçusu Florian Virts zədə üzündən matçı buraxmalı olacaq.
Qeyd edək ki, qarşılaşma Bakı vaxtı ilə sabah gecə saat 12-də başlanacaq.
