"Çelsi"nin sabiq futbolçusu "Vest Hem"ə keçə bilər
"Qalatasaray"ın mərakeşli futbolçusu Hakim Ziyeş karyerasını İngiltərə Premyer Liqasında davam etdirə bilər.
Sportline.az "Fichajes" nəşrinə istinadən xəbər verir ki, "Vest Hem Yunayted" klubu Ziyeş üçün "Qalatasaray"la danışıqlara başlayıb.
London klubunun rəhbərliyi Ziyeş üçün "Qalatasaray"a 10 milyon avro ödəməyə hazırdır.
Qeyd edək ki, 31 yaşlı futbolçunun "Qalatasaray"la müqaviləsi mövsümün sonunda başa çatacaq.
O cari mövsüm çıxış etdiyi 11 matçda 1 qolla yadda qalıb.
