Droqba Yamal haqqında danışıb
“Çelsi”nin sabiq futbolçusu Didye Droqba “Barselona”nın gənc ulduzu Lamin Yamal haqqında müsbət fikirlər səsləndirib.
Sportline.az xəbər verir ki, “sky sports” kanalına müsahibə verən Droqba bu fikirləri söyləyib;
“Mən 17 yaşında olarkən Parisdə metroya minmək üçün qaçırdım. Yamal isə 17 yaşında İspaniya millisi ilə Avropa Çempionu olur. El Klassikoda qol vurur. O möhtəşəm futbolçudur. Mükəmməl karyeraya sahib olacaq”, - deyə D.Droqba bildirib.
Qeyd edək ki, Lamin Yamal bu mövsüm bütün turnirlər daxil olmaqla çıxış etdiyi 14 matçda 6 qol və 7 asistlə yadda qalıb.
