"Fənərbağça" 5 futbolçu ilə yolları ayıracaq
Bu mövsüm də çempionluq arzusunun reallaşması inandırıcı görünməyən "Fənərbağça"da ayrılıqlar gözlənilir.
Sportline.az xəbər verir ki, İstanbul nəhəngi mövsümün sonunda bəzi futbolçularla vidalaşacaq.
Onlardan 5-nin adı artıq məlumdur. Baş məşqçi Joze Mourinyonun gələn mövsüm üçün heyətdə güvənməyəcəyi oyunçulardan biri Alan Sen Maksimindir.
Onunla yanaşı icarə əsasında komandanın formasını geyinən daha bir futbolçu - Filip Kostiçin də yola salınacağı bildirilir. "Fənərbağça" "Yuventus"un onun üçün tələb etdiyi 6 milyon avronu ödəmək niyyəti yoxdur.
Həmçinin, Rodriqo Bekao, Ciku və Brayt Osai Samuel də yola salınacaq futbolçular sırasındadır.
