"Fənərbağça" "Anderlext"lə oyuna itkilərlə çıxacaq

UEFA Avropa Liqasında bu gün pley-off mərhələsinin ilk oyunları keçiriləcək.

Sportline.az xəbər verir ki, "Fənərbağça" “Şükrü Saracoğlu” stadionunda “Anderlext”lə qarşılaşacaq.

Heyətlərə nəzər saldıqda “Fənərbağça”da əsas itki qapıçı Dominik Livakoviç, Çağlar Söyüncü, Ceydon Ostervolde, Mert Müldür və Rodriqo Bekaonun adı ilə bağlıdır.

“Anderlext”də isə Majed Asmiru, Yan Vertonqen və Samuel Edozi zədə səbəbindən matçı buraxmalı olacaq.

Qeyd edək ki, "Fənərbağça" - "Anderlext" görüşünü monteneqrolu hakim Nikola Dabanoviç idarə edəcək. Oyun Bakı vaxtı ilə saat 21:45-də başlanacaq.