Güləşçilərimiz Dünya çempionatını 21 medalla başa vurublar
Güləşçilərimiz Bakıda hərbçilər arasında keçirilən 36-cı dünya çempionatında 21 medal qazanıblar.
Sportline.az xəbər verir ki, “Sərhədçi” İdman Mərkəzindəki yarışın sonuncu günündə yunan-Roma güləşçiləri mübarizə aparıblar.
Qurban Qurbanov (77 kq) və Nihad Quluzadə (60 kq) qızıl, Laçın Vəliyev (87 kq) isə gümüş mükafata sahib çıxıb.
Qeyd edək ki, Azərbaycan idmançıları daha əvvəl mundialın ilk üç günündə 10 qızıl, 2 gümüş və 6 bürünc medal qazanmışdılar.
