"Komanda məqsədinə çatdı" - Şahin Diniyev
“Mənə elə gəlir ki, “Kəpəz” artıq püxtələşib, nəticəyə oynaya biləcək bir komandaya çevrilib. Məni sevindirən müdafiədə etibarlı oyunumuzdur”.
SportLine.az-ın məlumatına görə, bu sözləri “Kəpəz”in baş məşqçisi Şahin Diniyev klubun rəsmi saytına açıqlamasında deyib.
O, komandasının mövsümü 5-ci pillədə tamamlamasını qənaətbəxş hesab etdiyini bildirib: “Hardasa nəticəyə görə komanda məqsədinə çatdı, ötən mövsüm olduğu kimi beşinci yeri tutduq. Gələn mövsüm daha yaxşı çıxış etməyə çalışacağıq. Bizi daim dəstəkləyən azarkeşlərə minnətdarıq”.
