Məşhur futbolçu karyerasını başa vurdu
Ötən illərdə "Qalatasaray" və "Antalyaspor"da çıxış edən alman futbolçu Lukas Podolski futbolla sağollaşıb.
Sportline.az xəbər verir ki, 39 yaşlı Lukas Podolski çıxış etdiyi “Qornik Zabrze” və futbola başladığı “Köln” komandasının təşkil etdiyi yubiley matçında karyerası ilə vidalaşıb.
Podolski matça "Qornik Zabrze"nin forması ilə başlayıb, daha sonra "Köln"ün formasını geyinib.
Təşkil edilən gecədə; Yoahim Löw, Roman Vaydenfeller və Manuel Noyer kimi adlar da iştirak edib.
Qeyd edək ki, Lukas Podolski daha öncə “Bavariya”, “Arsenal”, “İnter”, “Vissel Kobe” kimi komandalarda çıxış edib.
