Millinin rəqibləri müəyyənləşdi

Qadın voleybolçulardan ibarət milli komandamızın Avropa Olimpiya Təsnifat Turnirlərindəki rəqibləri dəqiqləşib.

Sportline.az xəbər verir ki, yanvarın 7-12-də Hollandiyanın Apeldorn şəhərində keçiriləcək yarışda, milli A qrupunda mübarizə aparacaq. Komandamız ev sahibləri, Polşa və Bolqarıstanla qüvvəsini sınayacaq. B qrupunda isə Türkiyə, Almaniya, Belçika və Xorvatiya voleybolçuları güclərini yoxlayacaqlar.

Reqlamentə əsasən, qrupda ilk iki yeri tutacaq komandalar yarımfinala yüksələcəklər. Burada çarpaz olaraq üz-üzə gələcək yığmalar ardınca finalçını müəyyənləşdirəcəklər. Həlledici görüşdə isə Tokio-2020 Yay Olimpiya Oyunlarında Avropanı təmsil edəcək sonuncu komandanın adı dəqiqləşəcək.