Morata "Qalatasaray"da qalmaq istəyir
"Qalatasaray"ın hücumçusu Alvaro Morata karyerasını bu klubda davam etdirmək istəyir.
Sportline.az xəbər verir ki, ispan futbolçu bunu ölkəsinin "Cadena Ser" nəşrinə müsahibəsində bildirib.
İstanbulda özünü xoşbəxt hiss etdiyini deyən Morata komandaya 25-ci çempionluq sevincini yaşatmağa çalışdıqlarını vurğulayıb.
"Qalatasaray"la 25-ci çempionluğu qazanmaq şansımız var. Formaya daha bir ulduz yazdırmaq arzusundayıq. Bu, çox önəmlidir. Ümid edirəm tapşırığın öhdəsindən gələcəyik. Bu komandada qalmaq istəyərdim. Amma bu, yalnız mənim istəyimdən asılı deyil", - deyə Morata sualları cavablandırıb.
Qeyd edək, Alvaro Moratanın "Qalatasaray"la 2026-cı ilin yanvarınadək müqaviləsi var.
