"Neftçi"nin oyunçusu 4 oyunluq cəzalandırıldı

AFFA İntizam Komitəsi "Neftçi" İK-nın futzalçısı Namiq Məmmədkərimovu 4 oyunluq cəzalandırıb.

Sportline.az xəbər verir ki, buna 43 yaşlı oyunçunun "Araz-Naxçıvan"la matçda etdiyi hərəkət səbəb olub.

Azərbaycan millisinin sabiq üzvü 27-ci dəqiqədə ikinci sarı vərəqəni aldıqdan sonra rəqib futzalçı Lukas Freytas Romao Da Silvaya əli ilə zərbə endirib.