Novak Cokoviçdən uğurlu start

Londonun yaşıl kortlarında "Böyük dəbilqə" seriyalı "Uimbldon" turnirinin ilk dövrəsinin oyunları keçirilməkdədir. 

Turnirin favoritlərindən olan Novak Cokoviç ilk dövrədə fransalı Aleksandr Müllerlə münasibətləri aydınlaşdırıb.

İlk setdə 6:1 hesablı qələbə qazanan serbiyalı tennisçi, ikinci setdə rəqibin ciddi müqaviməti ilə üzləşib.

Taybrekədək uzanan hissə fransalı idmançının üstünlüyü ilə başa çatıb - 9:7.

Amma Müllerin artığına gücü çatmayıb. Yenidən təşəbbüsə yiyələnən Novak Cokoviç sonrakı setlərdə 6:2, 6:2 hesablı qələbələrlə məsələyə aydınlıq gətirib.

O, ikinci dövrədə britaniyalı Daniel Evansla qarşılaşacaq.