Olimpiya çempionumuz məşqlərə başlayıb
Sərbəst güləş üzrə olimpiya çempionu Toğrul Əsgərov məşqlərə başlayıb.
Sportline.az xəbər verir ki, bu barədə, Azərbaycan Güləş Federasiyasının I vitse-prezidenti Namiq Əliyev məlumat verib.
Onun sözlərinə görə, Əsgərov şəxsi məşqçisi Elçin Zeynalovun rəhbərliyi altında Gəncədə fərdi qaydada çalışır.
O, titullu pəhləvanın Qazaxıstanın paytaxtı Nur - Sultanda keçiriləcək dünya çempionatınadək kollektiv məşqlərə qoşulacağını əlavə edib.