Olimpiya festivalı: Azərbaycan komandası çıxışı başa vurdu
Azərbaycan idmançıları Bakı-2019 XV Avropa Gənclər Yay Olimpiya Festivalında (EYOF) çıxışlarını başa vurublar.
Sportline.az xəbər verir ki, son olaraq oğlanlardan ibarət voleybol seçməsi 7-ci yer uğrunda görüşdə Almaniya kollektivinə uduzub - 1:3.
Qeyd edək ki, hesabında 10 qızıl, 7 gümüş və 6 bürünc olan Azərbaycan komandası medal sıralamasında 2-ci pillədə qərarlaşıb.
Hazırda Rusiya komandası 27 qızıl, 16 gümüş və 20 bürünc medalla 1-ci sıradadır. Aktivində 10 qızıl, 5 gümüş və 10 bürünc medal olan Türkiyə yığması isə 3-cü yerdədir. Yarış davam etdiyi üçün mövqe dəyişikliyi ola bilər.
