"Qarabağ" - "Samtredia" oyununun biletləri satışda

Çempionlar Liqasının II təsnifat mərhələsinin ilk matçları çərçivəsində keçiriləcək "Qarabağ" - "Samtredia" (Gürcüstan) qarşılaşmasının biletləri artıq bu gündən etibarən satışa çıxarılıb.

SportLine.az-ın Ağdam klubunun rəsmi saytına istinadən yaydığı xəbərə görə, azarkeşlər biletləri hər gün saat 10:00-dan 19:00-a kimi Tofiq Bəhramov adına Respublika stadionunun kassalarından əldə edə bilər.

Biletlərin qiyməti nömrəli sektorlara görə 1-5 AZN arası dəyişir, VİP sektoruna isə 30 AZN-dir.

1-5 və 24-28 nömrəli sektorlar - 1 AZN

6-10 və 19-23 nömrəli sektorlar - 2 AZN

11-13, 29, 38 və 14-18 nömrəli sektorlar - 5AZN

VİP - 30 AZN