"Qarabağ"la oyunda geyinilən forma muzeydə
Kipr APOEL-inin futbolçusu Giorqos Merkis Avropa Liqasının qrup mərhələsində "Qarabağ"a qarşı Bakıdakı oyunda geyindiyi formanı komandasının Nikosiyada yerləşən muzeyinə bağışlayıb.
Sportline.az xəbər verir ki, bu barədə 34 yaşlı yunanıstanlı müdafiəçi özünün sosial şəbəkə hesabında məlumat paylaşıb.
Muzeydə gördüklərindən məmnun qalan Merkis yerli azarkeşləri də oranı ziyarət etməyə çağırıb: "Qarabağ"la oyunda əynimdə daşıdığım formanı APOEL-in muzeyinə verdiyim üçün qürur hissi keçirdim. Bütün azarkeşlərimizi bu gözəl məkanı görməyə dəvət edirəm".
"Qarabağ" və APOEL komandaları arasında oktyabrın 24-də Tofiq Bəhramov adına Respublika Stadionunda keçirilmiş həmin oyun 2:2 hesablı heç-heçə ilə yekunlaşıb.
