Qvardiolaya iki oyunluq cəza verildi

“Mançester Siti”nin baş məşqçisi Xosep Qvardiola iki matçlıq cəzaya məruz qalıb.

Sportline.az xəbər verir ki, bu qərar onun mövsüm ərzində 6-cı sarı vərəqəsini alması səbəbindən verilib.

Qvardiola İngiltərə kubokunun 1/8 finalında “Nyukasl”la (3:1) keçirilən oyunda hakimə sərt etiraz etdiyi üçün sarı vərəqə alıb və nəticədə cəzalı vəziyyətə düşüb.

Baş məşqçi İngiltərə Premyer Liqasının 30-cu turunda “Vest Hem”lə görüşü və hələ müəyyən edilməyən İngiltərə kubokunun 1/4 final matçını buraxacaq.