Ticcani Reynders İngiltərə nəhənginə keçə bilər

"Milan"ın niderlandlı futbolçusu Ticcani Reynders karyerasını İngiltərə Premyer Liqasında davam etdirə bilər.

Sportline.az "Team Talk" nəşrinə istinadən xəbər verir ki, "Mançester Siti" Reyndersi transfer etmək üçün hərəkətə keçib.

İtaliya klubu 26 yaşlı yarımmüdafiəçi üçün 60 milyon avro tələb edir.

Qeyd edək ki, Reyndersin "Milan"la müqaviləsi 2030-cu ilin iyun ayına qədər nəzərdə tutulub.

O bu mövsüm bütün turnirlər daxil olmaqla çıxış etdiyi 43 matçda 13 qol və 4 asistlə yadda qalıb.