Uğur Özdəmir: "Sadəcə 2 oyunçumdan ciddi dəstək ala bildim"

Azərbaycan basketbol liqasında 6-cı tur çərçivəsində "Xırdalan" klubu "Xəzri"yə 84:105 hesabı ilə məğlub olub.

Sportline.az xəbər verir ki, "Xırdalan" komandasının baş məşqçisi Uğur Özdəmir "Xəzri" ilə matçdan sonra fikirlərini bildirib:

"Rəqibimiz oyuna çox yaxşı başladı. İlk 10 dəqiqədə 38 xal topladılar. Matçın gedişatında 10 üçlük atdılar. Bunun 70 faizi elə ilk perioda təsadüf etdi. Bu da bizi çox geriyə saldı. Onun xaricində hər zaman olan problem yenə özünü göstərdi. Yerli oyunçulardan istədiyimiz performansı  ala bilmirik. Sadəcə 2 oyunçudan ciddi dəstək ala bildim. Onlardan başqa heç kəs nə müdafiə nə də hücumda istədiyimiz oyunu sərgiləmədi. Bu da məğlubiyyəti gətirdi. Bəzi məsələlər üzərində ciddi düşünməliyik. Sistem olaraq problem yoxdur. Amma oyunçu baxımından axsayırıq. Bunu bir daha müzakirə edib dəyişikliklər edəcəyik" - deyə Uğur Özdəmir bildirib.