Ulduz futbolçunun "Milan"dan tələbi
"Mançester Siti"nin cinah müdafiəçisi Kayl Uoker karyerasını İtaliya A Seriyasında davam etdirə bilər.
Sportline.az xəbər verir ki, təcrübəli futbolçu "Milan"ın maraq dairəsindədir.
Jurnalist Nikola Skiranın X sosial şəbəkəsində yaydığı xəbərə görə ingiltərəli müdafiəçi milanlılardan 2027-ci ilədək müqavilə və ilə 4 milyon avro və bonuslar tələb edib.
Mənbə, həmçinin, Uokerin Səudiyyə Ərəbistanı klublarından sərfəli təklif aldığını da vurğulayıb.
Qeyd edək ki, Kayl bu mövsüm keçirdiyi 18 oyunda məhsuldar göstərici ilə fərqlənməyib.
Transfermarkt portalında onun dəyəri 10 milyon avrodur.
