"Yuventus"da ayrılıq

"Yuventus"un serbiyalı futbolçusu Duşan Vlahoviç mövsümün sonunda klubdan ayrıla bilər.

Sportline.az "La Gazzetta dello Sport"a istinadən xəbər verir ki, "Nyukasl Yunayted" Vlahoviçi transfer etmək üçün hərəkətə keçib.

25 yaşlı forvard "Yuventus"dan ayrılmağa müsbət yanaşır. Bu səbəbdən Vlahoviç İngiltərə klubunun təklifini dəyərləndirəcək.

Qeyd edək ki, Vlahoviç 2022-ci ilin yanvar ayından Turin klubunda çıxış edir. O bu mövsüm çıxış etdiyi 35 matçda 14 qol və 3 asistlə yadda qalıb.