Amorim Fernandeş haqqında danışıb
UEFA Avropa Liqasında "Real Sosyedad"ı mübarizədən kənarlaşdırıb 1/4 finala adlayan "Mançester Yunayted"in çalışdırıcısı Ruben Amorim het-trik edən kapitan Bruno Fernandeş barədə danışıb.
Sportline.az xəbər verir ki, Amorim 30 yaşlı Brunoya tərif yağdırıb:
"Bizə lazım olanda Bruno həmişə orda olur. O komandamız üçün mükəmməl kapitandır. Titullar qazanmağımız üçün ona ehtiyacımız var. O, çox şeyə layiqdir".
Bruno Fernandeş: "Bu klubun yeganə məqsədi qələbə qazanmaqdır. Matçlarda qalib gəlmək lazımdır".
"Bizim hələ çox yolumuz var, amma inanırıq ki, düzgün mentalitetlə oyunlarda qalib gələ bilərik."
Qeyd edək ki, Bruno Fernandeş Çempionlar Liqasında 2020-ci ildə Markus Reşfordun “Leypsiq”lə matçından sonra UEFA yarışlarında het-trik edən ilk Mançester Yunayted oyunçusu olub.
