Ançelottidən tarixi nəticə
İspaniyada La Liqanın 20-ci turu çərçivəsində "Real Madrid" öz meydanında "Las Palmas" komandasını 4:1 hesabı ilə məğlub edib.
Sportline.az xəbər verir ki, Madrid təmsilçisinin baş məşqçisi Karlo Ançelotti üçün bu qələbə, onun "Los Blankos"u İspaniya çempionatında idarə edərkən qazandığı 150-ci uğur olub. İtaliyalı çalışdırıcı klub tarixində bu nailiyyəti əldə edən ikinci məşqçidir. Bu göstəriciyə daha əvvəl yalnız Migel Munyos çatıb.
La Liqa tarixində bütün məşqçilər arasında Ançelotti qələbə sayına görə 22-ci yerdədir. Lider isə 344 qələbə ilə Luis Araqonesdir.
