“Araz Naxçıvan” bu gün ÇL-də mübarizəyə başlayır

Azərbaycan çempionu "Araz-Naxçıvan" bu gün futzal üzrə Çempionlar Liqasında mübarizəyə start verəcək.

Sportline.az xəbər verir ki, A qrupunda yer alan "Araz-Naxçıvan" Türkiyə çempionu "İstanbul Şişli" ilə qarşılaşacaq. Oyun Bakı vaxtı ilə saat 15:00-da start götürəcək.

Qrupun digər matçında "Yan Reqensburq" (Almaniya) "Riqa" (Latviya) ilə üz-üzə gələcək.

Qeyd edək ki, sabah "Araz-Naxçıvan" "Yan Reqensburq"la qarşılaşacaq. 

23 avqust

15:00. “Araz-Naxçıvan” – “İstanbul Şişli” (Türkiyə)

Hakimlər: Arttu Kyynaeraeinen (Finlandiya), Drazen Vukçeviç (Monteneqro), Georgios Kozakos (Kipr)

Salaspils. Salaspils İdman Arenası.

Qrupun digər oyunu

20:00. "Yan Reqensburq" (Almaniya) - "Riqa" (Latviya)