“Araz-Naxçıvan”ın daha bir futbolçusu məşqlərə başlayıb
“Araz-Naxçıvan”ın daha bir futbolçusu - Karlos Jatoba məşqlərə başlayıb.
Sportline.az Naxçıvan təmsilçisinin mətbuat xidmətinə istinadən xəbər verir ki, komandanın daha əvvəl zədəsini sağaldıb meydana qayıdan futbolçuları - Vadim Abdullayev və Bayraməli Qurbanovun ardından 29 yaşlı braziliyalı yarımmüdafiəçi də fiziki hazırlıq üzrə məşqçi Teodor Terzievin rəhbərliyi altında məşq edir.
Qeyd edək ki, "Araz-Naxçıvan" Azərbaycan Premyer Liqasının XV turunda “Turan Tovuz”la qarşılaşacaq.
